有打工仔喺網上討論區發文指自己第一日返新工已經得罪人,因為食lunch嗰陣同同事一齊嗌外賣,個飯就會送碗例湯,咁事主就因為口渴就拎咗去飲,點知原來佢唔小心拎錯另一位同事湯飯嗰碗老火湯,搞到人哋冇飯食,場面認真尷尬。
之後事主諗住嗌多個飯賠俾個同事,點知一個飯唔送,賠飯錢對方嬲到唔想收,所以佢道完歉就行開一邊,佢好驚同事會記住件事,搞到依份新工會做唔長。
網民意見:
有網民就講咗啲建議教事主點補救,但依啲係小事唔怕會因為咁而做唔長,叫佢唔洗擔心。
但另外亦有網民認為真係好小氣,嗰位同事反應過大,顯得有啲小氣,應該本身都難相處~
小編就覺得雖然係小事,但事主當時應該點都俾個飯人,一係就俾自己個飯,一係就立即行去附近買個飯,再唔係就嗌外賣平台,點都好過就咁道歉就走咗去,應該會令人更嬲。其實嗰位同事都慘,打工仔最期待嘅都係lunch time同收工,lunch time係唯一可以醫肚休息嘅時間,冇飯食又真係幾慘,不過又未至於記仇咁誇嘅,應該過幾日就冇乜嘢。
大家又試過點樣喺職場上得罪人呢?
資料來源:Dcard
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!