有部份網民就喺討論區發文表示自己公司嘅中秋安排好差,有啲公司就表示今日(9號)唔係中秋正日,所以公司唔會早放、有啲就派月餅但唔係人人有份,要坐近老細房先有得收、有啲就連月餅都冇,又冇得早走,公司毫無任何表示!
網民指公司冇餅派,冇早放,冇中秋飯食,咩表示都冇,諗緊辭唔辭職好。不過網友就話好小事姐,未至於要為咗個餅而辭職咁話。
有打工仔發文抱怨公司冇得早放,冇做節感覺。但其實好多公司都冇早放,而早放亦只係人情並唔係道理,加上唔係正日其實都冇咩所謂嘅。
依位打工仔就真係慘啲啦,公司有派月餅但唔係買足咁多位同事,只係揀坐近老細嘅先有月餅,坐較後位置嘅就冇,顯得好「大細超」,的確搞到同事們好尷尬,有月餅嘅,又好似唔可以太張揚,以免招來話柄;冇月餅嘅同事又會唔開心,明明同一間公司,點解人有我冇。衰在公司太高調,又要俾人知佢冇先慘。網民留言話「寫匿名信投訴公司」、「收到月餅係懲罰,可能引致心血管病。」去安慰事主。
唔知大家中秋公司有咩表示呢?你哋又會想公司送咩比較好?歡迎留言話俾小編知。小編公司就冇買月餅,但每人送咗封利是同請食糖水,好似好過收月餅!最後,祝大家中秋節快樂,開開心心!
資料來源:香港討論區
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!