經歷完琴日突發落波嘅情況,好多打工仔就要急急腳換衫返公司,因為勞工處守則建議員工要落波後2小時內返到公司,全港打工仔就好似動物大遷徙咁,一齊迫地鐵、巴士返去。有網民就鬧爆依個安排,要計埋等車塞車,指2小時內無可能返到公司!
網民嬲到爆晒粗口!指佢等咗幾架車都迫唔到上去!
過咗好耐,網民先上到車,但佢要由屯門返北角,嗰陣得返20分鐘時間,仲要計塞車!
之後有網民就指唔止巴士、連輕鐵都迫唔到
之後就有網民表示,應該得衰公司先跟依個守則,其實多數公司都只係叫員工盡快返,唔會真係計足兩小時內,小編嘅朋友仲可以lunchtime之前返到,羨慕死小編。依個守則只係建議時間,又唔係一定要跟足,僱主亦唔可以因員工遲多過2小時而扣人工,應該體諒員工返工嘅困難。
不過歸根究底,都係因為今次天文台安排唔恰當,落波預告出得太突然,搞到打工仔個個雞飛狗走。好多網民琴日都喺天文台專頁鬧爆,指當時落波後天氣仍然未穩定,依然橫風橫雨,搞到市民又要迫又要全身濕晒;仲話「天文台根本冇用,只係跟股市時間,可以執鬼咗佢」。
網民又指,天文台應該講實一個時間,而唔好成日講個範圍,搞到打工仔都唔夠時間準備。
資料來源:lihkg、天文台FB
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!