喺香港,你想知自己同行搵幾多,甚至係你嗰行個career path係點樣,做幾多年有幾多人工,全部一Google都可以搵到。想知IT行情如何,我哋Sick Leave Tomorrow都有得睇,薪酬透明度十分高。一位美國嘅TikToker Hannah Williams因為厭倦當地薪酬透明度低,所以喺TikTok推出咗一個系列節目《Salary Transparent Street》,獲得咗數百萬觀眾,喺嗰個節目入面佢問陌生人,佢哋嘅人工係幾多,試圖打破社會對薪酬保密的趨勢。
如果喺香港,你喺香港街訪陌生人問佢哋嘅薪金係幾多,小編都幾肯定首先香港未必肯做街訪,二嚟肯做都未必肯講自己搵幾多。喺每個片段入面,Hannah都會喺美國各個城市嘅街上接近陌生人,並直接詢問佢哋收入。但估唔到嘅係,美國人好大方咁透露自己搵幾多。一條簡單嘅街訪已經揭露咗薪酬唔平等嘅問題,所以好多觀眾都大讚 TikToker嘅努力。
Hannah Williams畢業後最初係一名電話推銷員,年收入40,000美元,喺三年內做過5份唔同嘅工之後,佢而家係華盛頓特區嘅一名高級數據分析師,年收入115,000美元。但Hannah Williams話佢好難搵到佢本應收入嘅相關數據,尤其係當她發現即使係佢嘅朋友都唔願講數字嗰陣。佢嘅片獲得超過1500萬個like,並擁有超過80萬粉絲。“好多人唔知道點樣喺市場上為自己定價……依個就係《Salary Transparent Street》存在嘅原因——試圖幫助員工進行市場調查,搵出佢哋應該要求啲咩,咁樣僱主就唔會利用佢哋”Hannah補充。
除咗TikTok,佢都有Youtube Channel,有興趣嘅朋友可以撳下面條link睇
—> youtube.com/shorts/DNqIgWY7Iwo <—
資料來源:Salary Transparent Street
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!