喺香港地要追夢其實好難，尤其喺而家經濟情況咁唔明朗嘅情況下。除咗做明星要追夢之後，其實各行各業都有人同時追緊夢，唔知大家又有咩夢想呢？以下依位網民嘅夢想就係做designer，但因為失業之後一年半都搵唔工，加上為咗生計問題，而家被迫做保安。
原文：
//以前做designer，每日都做到自己鍾意嘅嘢，真係好開心，人工雖然冇12K，但慳慳哋都夠我同屋企人生活，後來因為公司冇錢賺，最後結業。之後嗰1年半我一路都搵唔返有興趣嘅工，一直失業，重會去見一啲我完全唔熟嘅行業，但都冇人請。望住屋企人開始年紀大身體多病痛，需要錢睇醫生，雖然我爸媽叫我慢慢搵工，重話可以借錢畀我，但我都唔忍心再繼續失業⋯
而家雖然搵緊16K，但每日返12個鐘，假期少咗，又唔開心，行屍走肉。屋企人問我做成點，為咗唔想屋企人再擔心我，我都同佢哋講返得開心，睇到爸媽開心我就安心。但每日瞓教，我都匿埋張被入面細細聲喊，自從做咗保安皮膚差咗，連拍拖時間都冇埋，重畀同年紀嘅人笑我咁後生做保安，其實我都係身不由己，只係想做返自己鍾意嘅嘢，真係咁難嗎？//
網民反應：
網民意見好兩極，有人支持投稿者堅持自己夢想，唔好灰心，為咗生計都可以揀其他文員工，同時可以接freelance做設計，咁等到家庭狀況好啲就再諗做返設計。同時亦有網民指做設計師亦好辛苦，乜都要做，好似打雜咁，勸佢做其他工種比較好。雖然唔知當時人幾歲，仲有冇青春追夢，但小編覺得網民嘅建議都好好，如果想做設計可以接多啲freelance去做，一來可以多收入，二來又係佢想做嘅嘢；如果唔介意轉型嘅話，小編覺得佢可以試下做UI/UX，都係同設計有關，偏向IT層面，但收入可以好過做保安或一般設計師，如果投稿者有睇緊依編文章嘅話，可以睇1.UI/UX 傻傻分不清？｜3分鐘解釋 UI/UX 嘅分別 /2. 【UI/UX入門班：設計工具】想做UI/UX要如何入手？ 了解多啲UI/UX嘅資訊。
資料來源：FB@奴工處
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
