覺得自己會被AI取代,對事業充滿危機感?最近有報告指出,全球有49%打工仔擔心冇咗份工。要同AI呢個虛擬敵人共存,就要學識摸清佢個底,同時學識強化自己嘅優勢。簡單三步,就可以成功同AI同盟,搵到自己嘅事業出路!
根據微軟(Microsoft)2023年「工作趨勢指數」(Work Trend Index)報告,全球有49%打工仔擔心工作不保,台灣嘅數據更達69%!另外,台灣有81%打工仔覺得自己冇足夠嘅時間及精力完成手上嘅工作,太多無效會議、繁瑣嘅行政事務,將佢哋擠壓到冇時間做更深度、有價值嘅事。喺呢個時候,佢哋就會覺得自己嘅工作終有一日會被AI取代。
台灣微軟365事業部營運暨行銷事業群副總經理朱以方表示,無論係咩產業,都應該抱持開放心態,理解AI運作嘅原理同原則。佢話,而家係一個與AI聯盟嘅世代,必須體驗過先會知道佢可以做啲咩,以及佢嘅極限喺邊,咁先可以「對付」佢。
以下三個步驟令你同AI合作順利之餘,仲可以強化你嘅個人特質及優勢,建立你嘅獨特性,咁就唔怕被AI取代啦!
第一步:
建立所有人嘅「AI數碼素養」。公司必須完善資料管理(Data Governance),保證資料嘅品質同安全性,亦要界定邊個可以使用邊份資料、咩時候可以用。因為資料安全非常重要,係公司嘅核心競爭力,所以公司要令每個員工清楚知道邊啲資料係機密,唔可以輕易放上雲端。
延伸了解:搵CHATGPT幫手做嘢小心犯法!有「優」亦有「憂」! 公司如何制定使用指南,詳細了解公司應該點樣限制員工使用AI,保障公司資料!
第二步:
理解AI嘅能力邊界。朱以方舉例,微軟定義「負責任AI」嘅一個原則就係「可解釋性」,即使用者可詢問AI點樣得出結論。而「可解釋性」重要嘅原因係,人類能決定正確與否,以及係擁有最終決策權嘅角色。身為「正駕駛」嘅人類,必須靠分析判斷能力,知道自己嘅「副駕駛」AI係唔係提出合理、正確嘅建議,而唔係畀咩你就照單全收。
第三步:
強化人嘅優勢,如聆聽、同理心、應對進退等軟實力。當機器可以取代嘅工作越嚟越多,人同人之間嘅應對、溫度就變得更重要。過去呢啲技能可能因為工作太忙而被忽略,但係喺呢個AI時代反而顯得十分重要。
Follow SICK LEAVE TOMORROW to know more about workplace information!
Instagram: https://bit.ly/3VGJOW5
Facebook: https://bit.ly/3Lk6bf2
Linkedin: https://bit.ly/3Nuo79l
Download SICK LEAVE TOMORROW application:
https://sickleavetmr.com/web/download-app/