報告指: AI 將導致3億人失業｜香港成為全球最受影響地區

隨住ChatGPT依類人工智能產品嘅出現，AI已經成為我哋日常生活嘅一部分，我哋會想了解多啲AI嘅強大功能，但唔少人都擔心依啲技術會取代某啲職業。美國大型投行高盛嘅報告表示，勞動力市場可能即將出現「重大混亂」，預計全球3億個就業職位面臨被取代嘅風險。

受AI自動化影響最大同最細嘅工作

報告解釋，需要大量體力勞動嘅工作唔會受到重大影響。喺美國，辦公室同行政工作中可以自動化嘅工作比例最高，高達46%，其次係法律工作，為44%，建築同工程中嘅工作為37%。生命、物理和社會科學領域緊隨其後，佔36%，商業同金融業務以35%位居前五。

另一方面，建築同地面清潔和維護部門只有1%嘅工作易受自動化影響。安裝、維護同維修工作係受影響第二小嘅行業，有4%嘅工作可能受到影響，建築和採掘業排名倒數第三，為6%。

歐洲嘅數據範圍略廣，文職角色受到嘅影響最大，因為佢哋45%嘅工作可以實現自動化，而手工藝同相關行業中只有4%嘅工作容易受到影響。總體而言，歐洲24%嘅工作可以實現自動化——略低於美國25%嘅平均水平。

根據高盛嘅分析，香港、以色列、日本、瑞典同美國可能係受影響最嚴重嘅前五個地方，香港嘅受影響程度排名第一。與此同時，中國大陸、尼日利亞、越南、肯尼亞以及排名最後嘅印度，五地嘅員工工作最唔可能被人工智能技術取代。

但報告總結話，雖然數據顯示人工智能無疑會影響勞動力市場，但尚未清楚佢嘅破壞力到底有多大。

我哋啱啱出咗手機app呀～方便各位IT人搵工，快啲撳下面條link download啦！

立即Follow我哋，搶先收睇各類文章！

各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！