香港打工仔壓力山大就係人都知，根據信諾集團2022年「360°全球健康指數」調查顯示，香港嘅身心健康指數連續第3年喺亞太地區排包尾，落後於印度、中國內地同新加坡等，當中87%受訪者表示壓力過大，97%人承認感到身心俱疲，反映港人整體身心健康狀況受壓。
今次調查喺5月訪問逾1.19萬名來自全球15個國家同地區嘅成年人士，探討佢哋嘅家庭、財政、身體、社會及工作5個範疇情況，受訪者嘅身心健康指數如下︰
喺本港受訪嘅1,000人當中，87%人感到壓力過大，當中19%人自認無法應付有關壓力，比例係亞太區內最高，並喺全球15個市場中排行第3，而港人主要壓力來源包括對未來嘅唔確定、擔心財務狀況、工作量過於繁重等。
調查亦反映97%受訪者曾經歷工作過勞，39%人稱調查進行期間感到更疲累或精疲力盡，27%人就感到無助、挫敗或受到束縛；47%受壓受訪者表示睡眠受影響，35%無法集中注意力同專注工作，亦有受訪者感到抑鬱（30%）同容易情緒波動（31%）。
喺選擇理想僱主時，港人期望工作時間同地點能夠相對彈性，同時重視公司能否提供全面嘅醫療同人壽保險，以保障自己嘅身心健康。調查指，超過一半受訪者（59%）期待健康同身體檢查嘅保障範圍得以增強，44%希望能為配偶或伴侶提供保障，23%想享有精神健康諮詢服務同支援。
另外，香港同其他受訪市場同樣面臨「大辭職潮」。37%僱員過去一年曾更換工作，辭職決定由僱員自發佔27%，33%人更打算出年轉工，預計辭職潮會持續。
信諾香港行政總裁施柏賢(Jonathan Spiers)表示：「今次調查反映香港嘅精神健康問題正在蔓延，當中壓力同工作過勞方面嘅問題嚴重，僱主需要喺工作場所、甚至社區層面上，提供精神健康方面嘅支援。就醫療保險方面，企業亦應投放資源於僱員精神健康，因為健康嘅僱員團隊對企業表現至關重要。僱主可以透過改善僱員福利計劃嚟提升員工價值主張（employee value proposition），藉以吸引同留住人才。」
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
