Elon Musk接手Twitter之後就出現大規模裁員,炒完4個高層之後又傳首個階段裁減50%員工。但根據彭博報道,Twitter上星期炒咗9成印度員工由原本2百幾人炒淨12人。另外,Twitter被發現竟然擺烏龍炒錯人,公司即刻聯絡幾十名被誤炒嘅員工,邀請佢哋重回公司。
據知情人士指,Twitter上星期喺印度炒咗90%(約200多名)以上嘅員工,裁員後只淨返大約12名員工。其中一位知情人士話,印度約70%嘅裁員嚟自執行全球嘅產品同工程團隊。知情人士指,營銷、公共政策同企業傳播等部門嘅職位都會被削減。而總部嘅員工人數都減咗大約5成(即3,700人)。
另外彭博社引述消息指,有幾十名員工被錯誤解僱,由於當中有部份人嘅工作經驗係有助 Elon Musk 日後嘅改革,所以管理層喺完成裁員程序之後先意識到自己擺咗烏龍。而家即刻報鑊聯絡相關員工,暫時未有消息員工肯唔肯重返 Twitter。
對於 Elon Musk 咁急嘅大規模裁員,Twitter員工指責公司涉嫌違反大公司需喺大規模裁員前俾 60 日通知嘅法例。佢哋打算向三藩市法院提出集體訴訟。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!