琴日報導過 Elon Musk 授權逾50幾名Tesla員工到Twitter返工,稱係做社交網絡嘅代碼審查工作,有傳佢計劃將帳號認證變成收費服務,用戶需要每日續期維持「藍剔」認證身份。而家最新消息指Elon Musk 打算救返Twitter旗下嘅Vine短片平台,唔知係咪想挑戰 TikTok 定純粹分一杯羹呢?
Vine曾經喺2012年突然爆紅,係一個深受歐美青少年歡迎嘅短片平台,雖然上載嘅片最多得6秒,但激發咗唔少創意。可惜被 Twitter 用3000萬美元收購後,Vine 並冇進一步擴展,仲喺 2016 年俾Twitter放棄而終止服務。Vine 之所以失敗,係因為佢冇構建適合當時嘅功能,冇幫助創作者賺錢,亦冇好似 TikTok 咁將口型同步視頻作為一種趨勢。
31號 Elon Musk 喺 Twitter 進行投票,問網民有冇興趣見到 Vine 復活,結果投票嘅 492 萬網民中有近 7 成贊成。有報導指 Musk 已經指令 Twitter 工程師評估 Vine 嘅程式代碼,目標係喺 2022 年底前將平台復活同重新推出,不過有工程師指要重用 Vine 舊代碼庫已經有6-10年前,或需要耗費好多心力,佢建議由頭整過會仲快。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!