最近,矽谷知名龍頭企業蘋果、Meta、亞馬遜先後宣佈裁員。據微軟網站顯示,公司喺全球擁有約22.1萬名員工。知情人士消息指,微軟裁員近1,000人,涉及多個地區同部門,包括Xbox同Edge,成為咗最新一間因經濟低迷下受壓嘅科技巨頭公司。
對於依個消息,官方代表回應如下:「同好多公司一樣,我哋會一直評估業務嘅優先,並作出結構調整,未來我哋將持續喺可以實現增長嘅關鍵領域進行投資同招聘。」聽落微軟並冇正面回答裁員嘅問題,而根據 The Verge 編輯 Tom Warren 嘅講法,今次人事變動涉及體驗與裝置、Xbox 同法務部門,被炒嘅甚至係一啲幾有資歷嘅員工。
實際上,早喺五月宣佈暫緩 Windows、Office、Teams 團隊招聘嗰陣,微軟就表示咗要精簡人員嘅意思。之後佢哋的確喺7月進行咗小幅調整,裁員比率佔整體員工數嘅比率唔夠1%,而家進一步實施計畫其實都唔算意料之外。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!