Microsoft 宣佈喺 Microsoft 365 服務中增加 Microsoft Designer 嘅人工智能(AI)創作工具,功能上同 DALL-E 同 Stable Diffusion 等AI文本到圖像模型嘅功能相同,俾用戶輸入字句「以最小嘅努力立即生成各種設計」。另外都將會喺 Bing Search 服務同 Microsoft Edge 瀏覽器增加名為 Image Creator 嘅工具,令使用者可更快創作影像內容。
新功能採用 Open AI 所開發的「DALL・E 2」(β)影像生成 AI,可根據輸入文字製作插圖、並自動排版。透過人工智能技術,使用者可以藉由 Microsoft Designer 創作屬於自己嘅作品,同時無須考驗使用者嘅繪圖能力即可輕易創作精美作品。
依種人工智能創作工具方便咗使用者創作,例如輸入「蛋糕(Cake)」等關鍵字,可以生成幾張唔同嘅圖片、同時顯示幾種可編輯嘅圖文排版俾你揀。Microsoft 副總 Liat Ben-Zur 形容該功能「可用最低限度嘅精力、快速製作出各種設計」。
Microsoft 期望積極開發不同人工智能程式,今年除咗 AI 影像生成軟體外,亦將會新增會議回顧同即時翻譯等人工智能輔助工具,目前 Designer 喺美國率先開放試用預覽版,而 Image Creator 僅開放部分地區試用。
雖然人工智能生成嘅影像質素喺過去幾年中確實提高咗好多,但現階段仲未清楚依個技術係咪已經為主流做好準備。雖然確實任何人都可以輸入描述去生成影像,但 AI 模型通常需要後期加工先可以獲得最佳結果。用戶必須磨練同調整佢哋嘅字句提示,對普通用戶嚟講仍需太多嘅努力。
人工智能生成嘅圖像係咪適用於每個用例都仍然係未知之數。喺上面嘅短片中,微軟俾咗一個用戶為某種烘焙blogger生成蛋糕圖像嘅例子。但喺依種情況下,觀眾肯定會想要用佢哋實際食譜嘅相,點解要用唔存在嘅蛋糕相?
另外,將 AI 圖像生成器引入主流產品都涉及偏見、版權同潛在惡意應用程式嘅問題。例如,微軟冇講明其 Designer 應用程式係咪可以生成人物圖像。微軟表示,OpenAI 已經過濾咗「暴力同色情內容」,但係,依類過濾器始終唔太完善,依個工具仲可用於生成令人反感嘅內容。
至於版權同道德問題。好似 DALL-E 咁嘅人工智能藝術生成器係受到由網絡上抓取圖像嘅訓練,包括設計師、藝術家同攝影師嘅作品。好多人認為,微軟同 OpenAI 等公司喺冇公平回報嘅情況下抄襲佢哋嘅工作。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!