英國一間叫做「4 Day Week」嘅非牟利組織聯同名為 Autonomy 嘅智囊團,以及波士頓學院、劍橋大學同牛津大學嘅研究人員,喺6月開始就推行咗為期半年嘅4天工作試驗計劃,有超過70間公司參與咗依個計劃,包括當地嘅魚店到零售、技術、食品和酒店等眾多行業嘅大公司。喺為期六個月嘅試驗進行到一半時,數據顯示大多數公司嘅生產力得到維持或提高。
研究人員表示,3300名工人同41間公司參與咗中期調查並提出咗自己嘅睇法。令人驚訝嘅係,88%嘅受訪者認為新系統運行良好,而86%嘅人表示,一旦實驗停止,佢哋可能會堅持每星期工作四天。團隊設計咗一個由1到5嘅評分系統,其中1係代表「非常平穩」嘅轉變。 78%嘅打工仔對於4天工作評為1或2。與此同時,有49%人表示生產力有所提高,46% 嘅企業表示生產力保持不變。
「我們了解到,對好多人嚟講,依個係一個相當平穩嘅過渡,對於某啲人嚟講,係有一啲接受到嘅障礙,尤其係一啲公司本身已經有相對固定或冇咁彈性嘅政策、系統或文化。」4 Day Week Global 嘅行政總裁Joe O’Connor話。佢認為結果令人非常鼓舞,認為生產力保持穩定係重大成功。
目前試點研究正在英國、美國、新西蘭、澳大利亞、愛爾蘭和加拿大繼續進行,涉及180多間公司。不過計劃中有約五份一公司喺規劃階段已經退出。當中仲糾結緊嘅公司,多數規模較小,需要5天或7天輪班,以原定人手較難去安排到4天工作。
資料來源:BBC News
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!