最近好多企業都出現裁人潮,Facebook作為龍頭科技公司最近都開始大規模裁員。據報導指,Facebook用咗演算法隨機揀咗60名承建商員工。
據內幕人士消息,員工通過視像會議被通知,佢哋嘅工作將會喺9月2號終止,最後支薪日為10月3號。原因就係被「隨機」選中,冇俾到具體原因。Meta係通過Austin office of Accenture請咗依60名員工。收到消息後,Accenture冇即刻幫佢哋搵其他工作,但告知佢哋可以喺嚟緊兩星期內重新申請任何新嘅工作。
其實早喺6月30號舉行嘅公司問答會議上,Mark Zuckerberg警告員工,「最近市場低迷,可能係我哋最近歷史上見過最嚴重嘅衰退之一」,所以裁員並唔令人意外——故此員工需要進行表現評估,去幫助淘汰表現唔好嘅員工。「事實上,公司裡面有啲人都唔應該留喺度」、「我希望提高期望同製定更積極嘅目標,如果你哋認為依個地方唔適合你,我OK嘅」Mark Zuckerberg補充。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!