大家返工覆同事或老闆whatsapp嗰陣，會唔會加emoji？加咗的確感覺友善啲，但有時忙起上嚟又唔得閒加。如果冇用開emoji嘅習慣，你就要小心啲小氣老細會好似昆士蘭依個老闆前妻咁，因為員工覆佢嗰陣冇加笑臉emoji，嬲得濟炒咗個員工。
Kristen Gordon曾在Sens Catering集團工作，該集團經營兩家Gold Coast Cafe同一間位於Brisbane嘅cafe——她在Southport Cafe擔任臨時人事部主管約14個月，於今年3月13日被解僱。一位同事告訴當地嘅平機會，涉事僱主Phoebe Wang經營前夫Jerry Chen嘅Gold Coast Cafe，佢喺收到Kristen Gordon關於人事問題嘅信息後變得憤怒。據稱，僱主Phoebe Wang將自己嘅手機砸喺枱上，同時對經理大叫「而家就炒咗佢！」依位同事話佢睇咗個message覺得個內容好正常，唔明白點解老闆娘會咁嬲。
原來老闆娘因為Kristen Gordon冇打任何笑臉表情符號，覺得佢冇表情語氣好粗魯。所以佢就咁嬲，係咁話要炒咗佢！Kristen Gordon表示曾多次向老闆娘Phoebe Wang解釋對話中沒有加上笑臉Emoji，只係冇任何情緒（didn’t add any smiley faces! There are no emotions!）」，而非對Phoebe Wang抱有惡意。到咗第二日，老闆娘真係炒咗佢，而Kristen Gordon就同當地平機會投訴前僱主。
雖然Kristen Gordon被解僱後嘅一星期，公司曾向Kristen Gordon表示可提供兩星期有薪休假，並邀請她重回工作崗位。但一系列嘅舉動只係試圖解決早前嘅解僱爭議，而非撤銷終止僱傭關係。終判Kristen Gordon勝訴，Sens Catering Group Pty Ltd 被勒令賠償5,357.8美元（約4.2萬港元），以及9.5%的養老金。
