職場上有好多唔同性格嘅人，唔係每個性格都同自己夾得到，除咗唔夾之外，更有可能你遇到嘅係「Toxic」嘅人！一名私人投資公司嘅CEO綜合咗以往十幾年喺職場打滾嘅經驗，列出5種佢認為最有害嘅人格特質，佢建議避免同依啲人合作，佢哋分別有以下跡象：
1. 克制者（Withholders）
克制者唔會讚人或感到快樂，當有人作出貢獻並為團體嘅成功作出貢獻嗰陣，佢哋會因自己冇得再做支配角色而感到不安。當有人擁有一啲佢哋冇嘅技能，佢哋就會好憎對方。如果你正在蓬勃發展，佢哋會點都諗辦法拉返你落嚟。
如何處理：Withholders會利用嗰啲唔敢發言嘅人。要積極指出你哋每個人帶來嘅優勢。展示出通過你哋嘅努力所得到嘅結果。
2. 騎劫者（Hijackers）
騎劫者本質上係帶有侵略性嘅Withholders。佢哋想利用你嘅弱點，拎走你擅長嘅嘢，並為自己索取功勞。
如何處理：擁有你嘅成就，並喺應得嘅時候索取功勞。Hijackers唔會欺負一個有自信嘅人。
3. 受害者（Victims）
一般嚟講，優秀嘅表現者都生活喺感恩之中。當成功嚟到嗰陣，佢哋感到高興同感激。但受害者生活喺不斷受到不公正對待嘅地方。佢哋認為每一個阻礙都係對佢哋不公正攻擊嘅證明。
如何處理：受害者嘅核心論點係佢哋承擔著唔合理嘅工作負擔。因此，可以自願提供幫助，但你嘅提議可能會被拒絕。未來，提醒佢哋你願意幫忙，同時讚揚嗰啲會團隊合作嘅同事。
4. 烈士（Martyrs）
烈士就好似受害者，佢哋真係做咗嘢，但佢哋嘅工作表現不足以補償佢哋對公司所造成嘅心理負擔。佢哋承擔盡可能爭嘢做，唔係為咗幫助團隊，而係為咗證明佢哋自己作嘅故事，即係鍾意搶嘢做但又做唔好。
如何處理：說服佢哋，追求一個目標時佢哋可以做嘅最大貢獻係將工作委派畀最適合執行工作嘅人。鼓勵佢哋將精力轉向畀其他人，而唔係自己做晒。
5. 煽動者（Gaslighters）
煽動者將佢哋嘅精力放喺扭曲事實上，對周圍嘅每個人都造成傷害。佢哋通常有自戀嘅特質。佢哋結合咗Withholders、Hijackers、Victims同Martyrs嘅特質，試圖說服他人並未了解「事實嘅真相」，要講自己嗰一套。
如何處理：淨係畀佢哋提供自身可以付出嘅價值，忽略其他佢哋講嘅嘢。如果你無視佢哋嘅所謂「事實嘅真相」，咁樣佢哋永遠都唔會可以煽風點火到。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
