唔知大家嘅公司每年會唔會搞唔同嘅party畀員工參加，通常party都會有抽獎活動，大獎二獎好嘅通常都係Apple產品、 Switch 、Dyson風筒、吸塵機等，其實聽落都算唔錯。但高處未算高，菲律賓一間化妝品公司嘅獎品相當吸引，就係3名中獎員工喺來年額外獲得5日有薪假期。
位於菲律賓嘅化妝品公司Colourette喺公司派對上抽獎嘅獎品超有創意同時得到好多員工嘅讚賞。Colourette嘅行政總裁Nina Ellaine Dizon-Cabrera喺LinkedIn上發帖表示，公司嘅一項抽獎活動獎品係為3名員工喺來年額外獲得5日有薪假期。
佢喺TikTok上發佈咗抽獎視頻，背景音樂中響起員工嘅歡呼聲同掌聲。佢喺Facebook上分享咗依條TikTok影片，並寫住：「出年我哋應該送出更多類似嘅獎品！」，因為有薪假期係一個好吸引嘅獎勵。唔知香港嘅打工仔們又會唔會覺得依個獎品幾好呢？定寧願收Apple產品再變賣收錢好過？
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
