大家面試嗰陣都一定會俾HR問過依個問題「請講一個你嘅缺點？」依個時候面試經驗較少或好易緊張嘅你就會唔知點答，太直接咁答又會出事，今日小編就揀咗4種方法去教大家點樣包裝自己嘅缺點，等大家唔會自亂陣腳，答得好嘅話可能仲可以靠依題加分！
用正面字句包裝自己
其實面試就係一個sell自己嘅問答環節，你可以誠實咁答，但一定要包裝一下。舉個例子好心急，你可以講完自己「節奏有啲快」之後補充話，因為節奏快可能會俾到壓力其他人，但喺處理一啲急事方面會比較擅長，用啲正面嘅字去包裝你嘅缺點。
講出一個已經改咗嘅缺點
每個人都有短處，但問題係你會唔會檢討同改過？當面試官問到你嘅缺點，不妨講出自己過去曾經有嘅缺點，但而家已經改咗，咁樣喺對方眼中會認為你係一個願意進步、願意正視問題嘅員工。其實有時面試官唔會因為你一個缺點而否定你，而係會衡量你有冇願意接受挑戰/進步嘅心。
講出一個可以是優點的缺點
凡事都有兩面，正如缺點都可以係優點。舉個例子，例如唔識拒絕人，咁樣可能會耽誤自己好多時間，但同時都係樂於助人嘅性格留下好印象。喺面試官嘅角度去睇，老闆要嘅就係又平又聽話嘅員工，而唔會拒絕人哋嘅請求換言之對額外嘅工作都唔敢拒絕。之後真係請咗你，就當然要識得say no啦，反正面試只供參考。
講出一個公司想要嘅缺點
若然知道公司肯請零經驗嘅FG，咁你就可以話自己最大嘅缺點就係缺乏實戰經驗，與此同時加碼自己嘅長處例如擁有應變能力、學習能力高以及相關實習經驗等，等你喺眾人之中成功突圍。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
