有打工仔近日喺討論區指自己返工第一日就辭職，全因老細同佢講因為佢係新人要幫前輩處理雜務，要求佢每日早半個鐘返office，幫手倒垃圾同準備咖啡機。事主之後就即刻同HR講唔撈！老闆慳皮慳到連清潔姐姐都唔請，直接搵新人做呀四，簡直離晒譜呀！
網民於是就留言讚事主做得啱！大鬧個老細衰格，衰公司唔做都罷！「Quit 得好，JD 同JS 又冇寫要倒垃圾同準備咖啡機，如果佢有，相信你唔會出呢個po, 呢份攞明伏工」、「跟合約做人 寫明都唔會做呢份工，更何況冇寫 冇寫明做乜要跟佢，做得好😎」、「不過間公司連清潔姐姐都冇真係做唔過」、「Quit得好！ 嗰老細唔可以咁架～叫佢自己做返啦 想慳錢自己又唔做 又點人」
有網民就留言話事主唔捱得，結果引嚟好多打工仔唔同意。小編覺得一嚟真係唔關捱唔捱得事，二嚟唔應該標籤00後就係唔捱得，其實有好多00後都好做得嘢，並唔係個個都咁差，唔好為鬧而鬧，分清楚件事嘅本質先。最後希望個老細搵到人接手，建議請清潔姐姐叫佢做埋文職，睇下嗰位網民會唔會話姐姐唔捱得。
資料來源：Dcard
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
