喺香港地返工出名工時長,好多工都要OT,如果真係返「朝9晚5」可以準時走真係算皇恩浩蕩。新加坡一名女老闆喺抖音拍咗片表達自己畀員工理想工作時間為「朝10晚4」,咁先實現到工作與生活平衡。唔少網民都讚同佢嘅做法,截至而家依條影片已超過200萬次嘅瀏覽量。
綜合新加坡媒體報導,依名女老闆以網名「thatasianmama」喺TikTok發佈一段約90秒嘅短片,內容就係佢認為傳統嘅「朝9晚5」並非理想嘅上班時間。佢唔會畀員工喺朝早9時返工,因為即使9點返到公司佢哋都會先去茶水間飲下咖啡、食早餐,坦言「如果每個人餓著工作,不但對他們而言沒有生產力,對公司同樣沒有生產力。」
相反「朝十晚四」嘅返工時間先係最有效率嘅安排,不過如果10點後先到公司,就要即刻正式開始工作,唔可以再食早餐。此外女老闆都認為下午6點並非理想嘅放工時間,因為員工們嘅工作效率會隨著長時間降低,朝九晚五工作嘅人,佢哋會用腦過度,然後精神會變到極度疲倦。佢哋會一直想返屋企、收工去邊玩,並唔能夠再專心工作,令員工生產力大大下降。
佢表示希望員工們朝早10點返工並專心工作,然後4點收工返屋企後做其他個人嘅事,例如接小朋友放學等,咁樣員工就可以達到work-life balance。大量網友十分認同女老闆嘅發言,有唔少人留言想打佢份工,又指會轉發條片等自己嘅老闆參考。
🔍【自我增值課程,搵工轉工更輕鬆】🔍
https://sickleavetmr.com/web/event/
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!