隨住ChatGPT依類人工智能產品嘅出現,AI已經成為我哋日常生活嘅一部分,我哋會想了解多啲AI嘅強大功能,但唔少人都擔心依啲技術會取代某啲職業。美國大型投行高盛嘅報告表示,勞動力市場可能即將出現「重大混亂」,預計全球3億個就業職位面臨被取代嘅風險。
受AI自動化影響最大同最細嘅工作
報告解釋,需要大量體力勞動嘅工作唔會受到重大影響。喺美國,辦公室同行政工作中可以自動化嘅工作比例最高,高達46%,其次係法律工作,為44%,建築同工程中嘅工作為37%。生命、物理和社會科學領域緊隨其後,佔36%,商業同金融業務以35%位居前五。
另一方面,建築同地面清潔和維護部門只有1%嘅工作易受自動化影響。安裝、維護同維修工作係受影響第二小嘅行業,有4%嘅工作可能受到影響,建築和採掘業排名倒數第三,為6%。
歐洲嘅數據範圍略廣,文職角色受到嘅影響最大,因為佢哋45%嘅工作可以實現自動化,而手工藝同相關行業中只有4%嘅工作容易受到影響。總體而言,歐洲24%嘅工作可以實現自動化——略低於美國25%嘅平均水平。
香港係受影響最嚴重嘅地方
根據高盛嘅分析,香港、以色列、日本、瑞典同美國可能係受影響最嚴重嘅前五個地方,香港嘅受影響程度排名第一。與此同時,中國大陸、尼日利亞、越南、肯尼亞以及排名最後嘅印度,五地嘅員工工作最唔可能被人工智能技術取代。
但報告總結話,雖然數據顯示人工智能無疑會影響勞動力市場,但尚未清楚佢嘅破壞力到底有多大。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!