日本都開始出招搶人才!日本政府喺2月17日嘅相關閣僚會議當中,決定改善現有嘅外國人才制度,去吸引更多具專門知識或技能嘅海外人才。其中最矚目嘅係增設「特別高度人才制度」同「特定活動」簽證,有兩類專才可獲批5年簽證,1年後可永久居留。
「特別高度人才制度」
喺新嘅「特別高度人才制度」計劃中,申請人如果喺學術研究或專業技術領域,就須符合以下其中一個條件:
- 學術研究或專業技術領域的申請人,須擁有碩士或以上學歷,或最少10年工作經驗,同時年薪達2,000萬日圓(約116萬港元)
- 企業經營的申請人,須擁有最少5年工作經驗,年薪達4,000萬日圓(約232萬港元)
喺「特別高度人才制度」中,獲批簽證者可得到「1號資格」,即可逗留5年,日本更會向佢哋給予優待措施,1年後允許佢哋轉為「2號資格」,即無限期居留。
指定大學畢業生可申請「特定活動」簽證
除咗第一招之外,第二招「搶人才」都相當吸引!外國大學畢業生只要畢業於世界大學排行100名內嘅大學,將可被被獲發最多兩年嘅「特定活動」(designated activities)簽證,等佢哋可以慢慢喺日本公司求職,而排名要係喺三個具公信力嘅世界大學排行榜 (THE, QS, ARWU) 嘅其中兩個上名列100名內先算合資格。
以2022年計算,香港而家有5間大學符合要求,分別係:香港大學(THE: 31, QS: 22, ARWU: 96)、香港中文大學(THE: 45, QS: 39)、香港科技大學(THE: 58, QS: 34)、香港理工大學(THE: 79, QS: 66)同埋香港城市大學(THE: 99, QS: 53)