Google前幾日宣佈推出人工智能(AI)聊天機械人「Bard」,以抵擋ChatGPT帶來嘅威協。但可惜Bard喺回答韋伯太空望遠鏡(James Webb Space Telescope, JWST)嘅問題上有失誤,加劇大眾對其相關工具尚未準備引入搜尋引擎嘅擔憂,搞到Alphabet琴日 (8日) 嘅股價重挫近8%。
嗰個問題係問Bard:「關於韋伯太空望遠鏡,我可以告訴我 9 歲的孩子它有哪些新發現?」Bard 畀咗好多答案,其中一個係太陽系外行星嘅第一張照片係韋伯太空望遠鏡影嘅。但係依個答案係錯嘅,根據美國國家航空暨太空總署(NASA),拍攝第一張系外行星照片嘅係歐洲南方天文台(ESO)嘅甚大望遠鏡(Very Large Telescope ,VLT)。
Bard 回答錯誤令Google母公司Alphabet股價星期三全日跌7.68%,高峰期曾跌近9%,就目前嚟睇,Bard 似乎好難同強大嘅ChatGPT匹敵,而目前Google仲未就相關情況作出回應。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!