早前 IG 行政總裁 Adam Mosseri 宣佈 IG 即將會有更新，係大家期待已久嘅內置帖文排程功能，Mosseri 喺影片中提到依個功能係「Finally Feature」。終於唔洗用第3方嘅app先做到，不過唔係每個人都用依個功能，目前針對商業帳號同創作者。
喺App介面上編輯貼文嗰陣，可以向下碌撳入進階設定，從而設定帖文排程。貼文、多圖貼文同影片都可以選擇日期、時間進行排程，最多可以預早75日為帖文進行排程。現有嘅功能入面，創作者已經可以提前 90 日安排佢哋嘅直播影音，依項新功能將可提前安排其他類型嘅貼文包含照片、捲軸同 Reels 。
喺個人檔案中亦可以直接前往查看已經排程嘅所有貼文，亦可以俾用戶重新安排內容，算係相當方便。
今次除咗即將推出排程功能，IG 都宣佈更新 Web 版嘅介面，新版介面目前已經出現，最大嘅變動係功能欄由上面轉移到左邊，整體嚟講可以令全螢幕嘅滑動上下空間更闊，整體改動唔大。
推出新排程功能，好多創作者相當期待，大量用戶都喺 Mosseri 帖文下方留言讚好，官方宣佈依項功能將會喺全球推出，未來幾星期就可以正式喺 IG 上使用。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
