話說我有個朋友係做HR嘅，真係唔遇過都唔知，依個世界有人可以咁on_。咁佢有一日interview咗一個腦霧candidate，佢外表睇落好正常，著起套老西官仔骨骨，粗眉大眼，個樣都幾試正，老實講如果佢對話正常我個fd都諗住請佢㗎啦，始終佢哋公司流失率都高，唔要求請個叻嘅人，但求佢正正常常都已經會請，你知啦，香港哋咁大壓力，正常嘅人都真係唔多。
開頭都係問啲基本嘢，見佢自介嗰啲，全程都好正常，由於佢in嘅位係老闆嘅秘書，咁就一定要醒目企理，因為佢老闆份人好急同埋好憎人蠢，咁我朋友就問佢
朋友：「你覺得作為一個秘書，最重要嘅係咩呢？」
腦霧candidate：「umm…係咪肯OT？我見好多秘書都要幫老闆book枱嗰啲…」
朋友：「Errr…都係嘅，但我哋老闆唔會要求你幫佢做私人嘢，其實醒目企理就得。」
其實依個人嘅表現雖然唔算出色，諗嘢係奇特啲，但我朋友見依啲都唔太影響工作，加上外表幾企理，於是佢就問個candidate幾時可以返工，戲肉嚟啦，好彩佢問咗依句，如果唔係請咗個伏人真係俾老細照肺都似…以下係佢哋嘅對話
朋友：「係咪隨時可以返工？」
腦霧candidate：「未得，要一個月通知」
朋友：「辭咗職未？」
腦霧candidate：「辭咗。」
朋友：「咁你last day幾時？」
腦霧candidate：「一個月通知。」
朋友：「咁你幾時辭職？」
腦霧candidate：「2月10日。」
朋友：「咁一個月通知，3月中last day，依家4月中啦阿哥。」
腦霧candidate：「呀呀呀。。。。係，我已經last day咗，隨時可以返工。」
我個朋友呆咗，隔咗一陣先有反應，之後草草了事完咗佢就扔鬼咗佢份CV。果然人不可以貌相，真係唔去到最後都唔知嗰個人係咪正常，個腦霧candidate真係世界級。
——————————————————————————————————————————————————————
有任何返工遇到嘅奇怪/搞笑/難忘經歷，歡迎投稿：https://forms.gle/gX2kGmhzmbaYXRxt6
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
