某日收工,David借工事為由whatsapp我,然後就講嗰個啊Dick壞話,咁我唔好意思唔覆,就應酬咗佢幾句,點知就搞到佢成日whatsapp我9up。有一日我要返工,佢放假,佢無啦啦whatsapp我(見下圖)
唔知大家見到依啲對話,有冇毛管凍嘅感覺,我就表示好撚驚。首先佢係一個有婦之夫,二來我對佢零興趣,只想打份hea工賺下錢,放過我啦大佬!面對依個咁突如其來嘅問題,我就請教我啲同事意見,不出乎意外,佢哋第一反應就係笑鳩我,然後就俾埋啲垃圾意見,叫我避開佢,咪再覆佢嗰啲〜講就易,係咁易避到就好啦…
——————————————————————————————————————————————————————
到咗第二日,我返返下工就突然嚟M勁M痛,跟住我就坐咗喺倉諗住休息一陣,點知突然有人行咗入嚟,我一另轉面就見到係David入咗嚟。正常人見到會驚俾佢話蛇皇,我見到佢係有另一種恐懼,就係驚佢又搞9我…
David:「你做咩坐咗喺度嘅?」
我:「冇啊〜有少少唔舒服,想休息一陣。」
David:「哦〜好啦,你慢慢休息。」(轉身就出返去)
哇,今次咁簡單就耍走佢咁正?唔理啦,恰陣先算。正當我瞓到忘我境界嗰陣,突然俾道開門聲嘈醒,妖〜又係個David。
David:「我問咗同事先知,原來你M痛,我買咗啲止痛藥俾你食,仲有你最鍾意嘅繽紛樂啊,快啲食咗佢,會舒服啲架。」
(大佬呀!你唔好咁癲啦!你走去問同事仲要買晒藥係咪多咗啊?)
我:「吓…其實我抖一陣冇事…唔洗咁誇喎……」
之後嘅對話我都唔記得,直到我出返舖面企,突然佢又行咗過嚟靜靜雞塞咗啲嘢俾我,我向下望咗一眼,係一包暖宮貼(我哋公司有賣暖宮貼,但係從來都唔會開tester,因為冇意思,唔通貼落個客度feel下咩)
我:「做咩啊?」
David:「俾你用啊,暖宮貼啊。」
我:「吓,你買咗?」
David:「唔係啊,用嚟開tester嘛,快啲拎住啦,唔好俾人見到!」
依個場景真係唔知佢係咪玩9我,成個場咁多同事,真係全世界都見到,轉頭實俾班pk笑死。依頭講完就嚟料…
Mary:「嘩!Cindy姐,有專人幫你開暖宮貼喎,咁多年都冇開過tester,至威係你啦〜」
我:「頂你啦,唔係你嗰日冇返,受苦嘅係你啦,我無辜咁幫你頂咗咋。」
到咗收工返去,又收到David嘅whatsapp
如果係男朋友嘅關心,我會好感動,但佢唔係!!佢仲要係一個人夫!!說好的專一錫老婆呢?可唔可以放過我….
——————————————————————————————————————————————————————
某一日,嗰日夜晚係得我,David,Mary同埋啊Dick四個人收夜,咁我就同Mary吹水,David就係咁鬧啊Dick點樣做得唔好,鬧完之後,我同Mary就走咗去埋數,我就喺左邊埋1號部機,Mary就埋3號機,David就喺中間用電腦落貨(示意圖)
David:「唉,真係俾佢激死〜」
我:「哈哈…加油。」
David:「一陣收工有咩做?」(喺我耳邊講)
我:「吓…做咩啊?」(Mary救我啊)
David:「冇啊,收工去大圍啤啤佢好嘛?」
我:(等我拖埋Mary落水,睇下佢醒唔醒水)「喂Mary〜收工得唔得閒啤啤佢啊?David要訴苦喎〜」
Mary:(收到我不停打嘅眼色)「吓,唔得喎仲要做功課。」
我:「唉呀,唔得喎要做功課咁就下次先啦〜」
好彩今次有Mary喺度,我先走得甩,真係每日返工都好驚,然後同經理講唔想再同佢同更,過咗無耐David又俾人調去附近其他舖,喺佢Last Day我特登冇報更,佢whatsapp我
:「如果下半個月調今日應該係咪最後一日見到你🤔」
:「我可唔可以add你ig?」(後尾佢del咗)
我:「係咩?冇留意更表喎」
:「應該係。。。到時再算」
(過兩日)
:「今日買唔切散水餅,淨係買左啲繽紛樂、百力滋候補散水餅😂加油努力完成埋學業💪🏻💪🏻將來揾份好工😉」
:「我淨係記得你鐘意食繽紛樂,唔知你仲鐘意食咩。。。😅」
之後我都冇覆佢,偶爾佢會返我哋舖拎物資,每次啲同事見到都會提我入倉避下,避避下佢都知,之後都冇再返過嚟,而倉嗰啲零食散水餅一路都冇人敢食,佢哋話只屬於我嘅…佢到底對我有咩企圖,我到而家都唔知亦唔想知,真係好恐怖嘅經歷…
——————————————————————————————————————————————————————
有任何返工遇到嘅奇怪/搞笑/難忘經歷,歡迎投稿:https://forms.gle/gX2kGmhzmbaYXRxt6