AI Chatbot 再升級｜GPT-4用途、免費及付費方案懶人包

OpenAI前排發表新一代AI系統 GPT-4，以更廣泛嘅知識同問題處理能力，可以更準確地解決更複雜問題，同時接受以圖片嚟輸入，分析圖中嘅內容。而家更分別有唔同平台提供免費及付費版本畀使用者選擇，想了解多啲就睇埋落去啦！

GPT-4 功能一：創意表達

同上代相比，GPT-4 除咗擁有更強大解讀能力，喺創意表達方面都好厲害，可以幫助用戶一齊創作歌曲、編寫劇本，OpenAI就舉出例子，要求 GPT-4 以順序而唔重覆咁用 A 至 Z 嘅詞語嚟介紹《灰姑娘》嘅故事情節，可見 GPT-4 嘅威力。

除咗文字輸入之外，GPT-4 最吸引嘅位係識得分析圖片內容，姐係用户可以用圖像輸入提問/要求，GPT-4 會自動分辦圖中嘅內容而作出回答。例如圖片係一堆食材，GPT-4可提供相關食材能煮出嘅菜式食譜，又或解讀圖表數據等，不過圖像輸入功能目前只開放畀特定合作夥伴使用。

由於OpenAI用咗半年時間調整依套模型，令GPT-4回答變得更準確同恰當嘅同時，相比 GPT-3.5 減少 84% 回應不當內容，提升 40% 提供更有用嘅答案。另外加強咗可控及規範程度，如聊敏感話題時，回覆規範都提高咗29%。

雖然GPT-4同GPT-3.5一樣，資料更新同樣只去到2021年9月，但可接受多8倍嘅輸入/輸出處理能力，換言之，輸入提問嘅字數限制由3,000增加至25,000字。

雖然 GPT-4 喺推理能力同摘要能力有所提升，不過就因為更複雜嘅推理而令回應速度減慢。OpenAI 方面亦指出佢哋努力緊解決社會偏見同對抗性提示等限制，OpenAI 亦使用 GPT-4 嚟反覆改善系統。

Microsoft嘅新Bing已經用緊 GPT-4。民眾可透過預覽版新Bing試用 GPT-4。試用方法係喺Bing網站上加入等候清單，微軟其後會向用戶傳送電郵，通知用戶可開始使用新Bing。假若之前通過批核，成功加入試用名單，過去5個星期亦曾用過新版Bing，現在亦可使用GPT-4。

早前登陸iPhone/iPad嘅《Poe》App，更新後亦加入咗GPT-4聊天機械人，不過免費用戶每日只可提問一次。

ChatGPT Plus係ChatGPT嘅收費版本，月費係每月20美元（約156港元）。用戶選擇GPT-4後，每4小時可提問100次。但由於香港仍然唔喺ChatGPT支援地區，需要經VPN連線先用到。

Poe付費用戶每月可用GPT-4提問300次，收費係每月 HK$159 港元，或每年 HK$1,599 港元（平均 HK$133.25 每月）。

我哋啱啱出咗手機app呀～方便各位IT人搵工，快啲撳下面條link download啦！

立即Follow我哋，搶先收睇各類文章！

各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！