ChatGPT自上年11月推出以嚟就大受歡迎。由創作詩詞歌畫到撰寫論文,聊天機械人已經證明咗佢嘅能力,而AI取代人類嘅話題更加係依幾個月嚟嘅熱話。最近美國求職平台Resume Builder進行咗一項調查,發現有逾5成美國企業已經開始定期使用ChatGPT,並取替部分員工。
55%企業認為 ChatGPT 表現優秀
Resume Builder調查咗1000間美國公司,發現其中約500間公司已經開始定期使用 ChatGPT,其中有好多公司因為有聊天機械人而被迫炒咗部分員工或架構重組。調查顯示,約45%受訪企業會計劃擴大ChatGPT應用範疇。至於ChatGPT應用層面,有 66% 公司使用ChatGPT編寫程式碼、58% 則用作創作文字內容,以及有 57% 公司用以支援客戶。此外,ChatGPT 喺企業高層心中留下「深刻印象」,大多數企業對 ChatGPT 嘅工作感到滿意。55%嘅人認為 ChatGPT 嘅表現「優秀」,而34%嘅人認為佢「非常好」。
ChatGPT 可以做啲咩工作?
一間會計師事務所幫客人整合數據製作成一個簡報,平時需要一個初級員工整理,然後畀經理審查,而家可以直接交由ChatGPT,再稍為修改少少就得;喺另一個案例中,一間小型廣告營銷公司將原本由初級客服主任寫嘅評估報告,轉交到畀AI去編寫;仲有另一個例子,一間律師事務所使用 ChatGPT撰寫摘要並幫助研究案例,依項任務通常交畀律師助理同初級助理,然後再畀初級合夥人審查,最後先交畀案件辯護嘅高級合夥人。由此可見,ChatGPT已經陸續取替職場上初級員工嘅主要職務。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!