據外媒報道，印度一間新創科技公司SoftGrid Computers為咗令員工準時收工，喺工作同生活間取得更好平衡，於是喺公司電腦入面安裝一個系統，只要一到收工時間前十分鐘，電腦就會自動彈出「警告！你嘅辦公時間已經完咗，系統將於10分鐘內關閉，請返屋企！」嘅警告。
員工坎德爾瓦爾（Tanvi Khandelwal）喺 LinkedIn 發文表示，依種唔鼓勵OT嘅機制令佢非常驚訝，因為喺過去嘅工作環境中，老闆通常都唔鍾意員工早退，而且鼓勵員工留喺公司繼續做嘢。因此佢將依個「禁止OT」嘅提醒上傳到 Linkedin 上分享，佢話：「工作以外時間，唔會接到有關公事嘅電話同電郵，喺依種文化中工作，員工唔需要額外嘅嘢去改善心情。」
公司創辦人兼首席執行長舒克拉（Shweta Shukla）表示：「疫情令我哋工作失去平衡，開始長時間埋頭於工作，我都未能為子女抽出時間。」因此佢決定為每位員工安裝依個系統。有員工認為，系統有助佢準時收工，對此感到滿意。
對於公司採用強制關機系統，有啲人贊同公司嘅做法，但亦有人認為咁樣反而會造成壓力：「幾得意」、「好正！」、「咁會令員工產生壓力」、「咁可能會迫使員工喺假期做嘢」。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
