英國最大規模嘅4天工作制試驗琴日公佈結果，61間參與試驗嘅英國公司裹面，大多數表示對試驗期內嘅公司生產力同業績感滿意，56家公司（92%）同意延續4天工作制，其中18間（近3成）係永久實施。71%參與試驗嘅員工表示喺4天工作制下感到倦怠感減輕，員工請病假日數也大減三分之二。
依個試驗係由4 Day Week Global同波士頓學院、劍橋大學同Autonomy嘅研究團隊合作組織。由舊年6月到12月。實驗係史上最大型嘅4天工作制測試，61間公司包括銀行、快餐店、營銷顧問等涉及2900名員工，研究可唔可以畀多一日有薪假期，但完成同樣嘅工作量。
根據研究結果，2900名參與者中有37%表示健康改善咗，39%表示壓力減少，4成睡眠質素有改善，54%認為較易喺工作同家庭責任間取得平衡。另外，員工請病假日數由之前同期每月2日減至0.7天，員工離職人數亦減少57%，逾7成員工感到倦怠感減輕。
參與嘅公司大部分表示對生產力同業績感到滿意，對整體體驗給予平均8.3分（滿分10分）。9成參與嘅公司喺試驗結束後都繼續採取4天工作制，其中18間準備永久推行4天制，38間認為由於收入增加、員工流動率下降及員工倦怠程度降低，同意繼續測試；兩間正考慮縮短工作時間，得3間決定停止實驗。另外，參與嘅公司都表示佢哋見到收益喺試用期間收入平均增長咗1.4%。根據試驗結果，同過去五天工作制嘅同期相比，參與公司嘅收入平均增加咗35%。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
