喺上年11 月，Meta已經炒咗 11,000 名員工，佔全球員工總數嘅13%。係Meta炒人歷史上規模最大嘅一次，影響多個部門，其中招聘同銷售團隊受嘅影響最大。當時Meta表示除非有特殊情況，否則招聘活動將凍結到2023年初。
據《金融時報》報導，Meta唔止凍結招聘，仲準備緊新一輪裁員，知情人士指預算同公司未來嘅員工人數一直唔明確。裁員預計將會喺3月左右進行，但仲未清楚員工們會受到點樣嘅影響。報告指，由於經理們無法提前計劃嚟緊嘅工作量，由於缺乏明確性，所以員工嘅工作進度都接近0。部份原定年底落實嘅預算，到而家都仲未獲批。
消息發佈之前，Meta CEO朱克伯格早前同分析師嘅財報會議上表示，公司計劃繼續控製成本。佢承諾今年會係「有效率嘅一年」，並表示Meta將更加積極主動咁削減次要同表現冇咁好嘅職位；佢表示壓縮公司架構，並去除某部份中層管理層以更快咁做出決策。唔知依個係咪就係今次嘅裁員名單呢？直至截稿前，Meta尚未回應有關消息。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
