相信大家自從有COVID-19嘅生活開始，對視頻會議公司Zoom應該好熟悉，因為佢喺我哋在家工作嘅生活中令我哋更方便咁同公司同事溝通/進行會議。所以Zoom喺疫情期間能夠逆流而上，不斷擴張規模，聘請超過6,000人，但近日Zoom突然宣佈會裁員15%，受影響員工約有1,300人。
公司進行重組，Zoom嘅行政總裁 Eric Yuan 喺琴日（7號）一篇blog中表示，自己須對公司嘅問題負責，並表示佢將減薪並放棄獎金。Eric Yuan指疫情期間 Zoom 嘅員工人數喺兩年內增加咗兩倍。但公司冇花足夠嘅時間去徹底分析公司團隊或評估公司係咪可持續發展。Eric Yuan表示，佢舊年嘅基本工資係 301,731 美元（約235萬港元），將削減98%，並且放棄本財年嘅企業獎金。根據 2022 年 5 月嘅一份監管文件，佢喺2022財年嘅總薪酬為110萬美元（約858萬港元）。而行政領導層嘅其他人將減少20%嘅基本工資。
2020年1月下旬，喺美國宣佈Covid-19爆發為國家緊急狀態之前，Zoom嘅員工人數約為2,500人。自嗰陣之後，佢增加咗大約6,000人。琴日則突然宣佈裁員將令Zoom嘅員工總數減少到2022年初嘅水平。
Eric Yuan話雖然人們同企業喺疫情尾聲嘅生活中有繼續依賴 Zoom，但「全球經濟嘅不確定性」正影響客戶。Zoom喺疫情最嚴重嘅時候獲得幾百萬用戶後，Zoom而家正試圖通過擴展其業務工具嚟扭轉增長放緩嘅趨勢。即使係咁，Zoom嘅年終報告指出，過去兩個季度嘅收入仍保持個位數增長，分析師預計本季度銷售額將繼續放緩。Bloomberg Intelligence 分析師 John Butler 表示，裁員可能係為咗喺增長放緩嘅情況下保持或提高利潤率。
根據行業分析師指，最近幾個季度，來自微軟嘅Teams協作服務競爭亦漸漸成為 Zoom 關注嘅焦點。喺上個月接受彭博社採訪時，Zoom嘅總裁 Greg Tomb 承認存在競爭，但表示使用 Zoom 嘅公司好少退出該平台。Tomb 補充話，公司最大嘅機會係令現有客戶使用其餘產品組合，其中包括 Zoom 電話服務等工具。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
