而家AI(人工智能)嘅技術愈來愈先進, AI已經發展到可以同人類傾偈情感交流。AI聊天機械人軟件Replika自推出以來,就好受用戶歡迎,被好多人視為「樹窿、朋友」,但近期唔少用戶投訴,Replika嘅虛擬聊天機器人對話講嘢太露骨,仲傳性感內衣照,令用戶感到被性騷擾。
根據網站介紹,Replika目前提供免費版同付費版兩種唔同服務。前者嘅聊天機器人身份僅限於朋友,而後者Pro版本嘅訂閱費用則約為69.99美元,用戶可解鎖同聊天機器人調情、色情角色扮演等服務。據外媒報道,Replika喺本月嘅一星評分大幅上升,被指同用戶進行不必要嘅調情,甚至性騷擾。有未成年用家則指,Replika稱想摸其私人部位,並問用戶「上半身」定係「下半身」。免費版Replika理應以朋友身份向用家提供有限度嘅性內容,但用家收到Replika嘅色情內衣自拍。有被性騷擾嘅用家表示,Replika稱曾喺夢中強姦該名用戶,並希望將夢境實現。
其實有關Replika聊天機器人「運作異常」嘅投訴近兩年都有好多,但有關性騷擾嘅言論最近突然激增。唔少用戶敦促公司盡快恢復正常嘅聊天機器人,表示想要嘅係一個傾偈對象,而唔係一個性魔。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!