琴日就報導過馬斯克要求員工一係「做牛做馬」一係就「拎錢走人」,今日完咗最選期限後,公司有一封冇署名嘅email通知員工,公司辦公室關閉至星期一,員工出入證將暫停使用。其實琴日期限一到已經有幾百位員工揀辭職,開始喺Slack上互相告別。
根據外媒報導,Twitter原本炒淨2,900位員工,今次離職嘅員工表示鑑於今個星期嘅炒人加離職潮,公司短期內有可能開始崩解。亦有人感嘆見到咁多位「傳奇同重要嘅工程師」都離開咗公司,例如核心系統資料庫嘅所有工程師都辭職,因此覺得Twitter好難回復公司原狀。馬斯克因擔心有員工會對公司不利,因此決定關閉辦公室至星期一,員工出入證將暫停使用。
有離職員工被告知可拎到三個月薪水,但仲未有機會確認離職協議書內容,而至於選擇留低嘅員工,仲未清楚將點樣拎到公司股份。另外,Twitter嘅招聘人員已開始詢問公司外嘅人才,有無人願意加入馬斯克嘅Twitter 2.0。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!