科技界裁員潮一波未平一波又起啊,繼上星期Meta裁咗成萬人創下年度紀錄,而家就到亞馬遜(Amazon)預計喺今星期會炒大概10,000名員工。據報導,今次裁員將成為亞馬遜史上規模最大一次解僱,影響範圍包括設備組織、零售部門同人力資源部。
截至2021年12月31日,亞馬遜擁有160萬名全職同兼職員工,今次嘅裁員將佔全球員工總數嘅3%左右。針對本次解僱消息《紐約時報》表示,裁員總數「仍然唔確定」,唔排除會發生變化。根據《華爾街日報》引述消息人士嘅講法,亞馬遜計劃裁員嘅規模計劃係幾千人,最終會炒幾多人暫時都未肯定。
亞馬遜上個月27號公佈第三季財報獲利同營利低於預期,而且第四季財測令人失望,亞馬遜財務長 Brian Olsavsky 喺財報會議上表示,喺過去2年鉅額投資提高物流網路以對應疫情帶動嘅需求後,今年已將公司支出預算削減3份之1。Olsavsky 亦提到,亞馬遜暫停某啲業務嘅招聘並慢慢結束一啲產品同業務,將資源花喺更好嘅地方上。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!