Meta 宣佈裁員約 11,000 人｜本年度規模最大

科技界最近紛紛裁員，繼Twitter炒咗5成人之後，Facebook 母公司 Meta 傳出將進行大規模裁員，截至9月底，Meta擁有超過87,000名員工。而家確定咗 Meta 將會裁員 13%，亦即係超過 11,000 名員工將會冇咗份工。

Meta行政總裁 Mark Zuckerberg 表示，佢對依個決定以及目前公司嘅狀況負責：「依個係一個悲傷嘅時刻，冇辦法解決依個問題。對於嗰啲離開嘅人，我想再次感謝你哋為依個地方所做嘅一切。」佢喺信中表示，受影響嘅員工將獲發16星期（四個月）薪金為遣散費，另按員工入職年期計算，每工作滿一年可獲得 2 星期嘅額外補償，同時員工可以兌現所有剩餘嘅有薪假期，以及截至 11 月 15 日嘅股票補償。Meta亦將為佢哋延長涵蓋醫療保險六個月。

Mark Zuckerberg俾員工嘅訊息中亦提到，電子商務受疫情同經濟下行影響、競爭加劇，對 Meta 嚟講最重要嘅廣告收入都受影響，令成間公司嘅收入低過預期。朱克伯格認錯，並稱願意為此承擔責任。