位於美國佛羅里達州嘅公司Chetu,有一名荷蘭員工表示,佢認為公司喺網上培訓計劃期間,通過佢嘅電腦鏡頭隨時監控佢係對侵犯緊隱私同埋令佢感到唔舒服。監控仲要求員工分享佢嘅電腦螢幕。其後公司即刻炒咗佢,理由係「違抗命令」同「拒絕工作」。
作為回應,該員工以不公平解僱為由將 Chetu 告上法院。法院最近作出裁決,要求 Chetu 除咗支付50,000歐元嘅罰款同僱員嘅法庭賬單等費用外,仲要支付拖欠嘅工資同未使用嘅假期,費用合共75,000歐元(約57萬港元)。
「每日通過電腦鏡頭追踪8小時係唔合比例,喺荷蘭係唔允許。」法院表示。法院更進一步引用咗《歐洲保護人權和基本自由公約》:「喺工作場所對員工進行影片監控,無論是否隱蔽,都必須被視為對員工私人生活的相當大的侵犯。 」
疫情使在家工作甚受歡迎,公司監控員工嘅方法越來越多,當中以喺電腦安裝監控軟件最為普遍。2021 年,Digital.com 對 1,250 名美國僱主進行嘅一項調查發現,60% 嘅WFH員工係用緊工作監控軟件。依啲公司中有近9成公司表示,佢哋喺使用該軟件後炒咗員工。
資料來源:Fortune
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!