除咗聽歌同 Podcast 節目,聽有聲書喺外國相當流行。舊年11月音樂串流平台Spotify宣佈收購聲音書服務商Findaway,作為擴充公司嘅重要一步。事隔10個月,Spotify近日宣佈推出有聲書服務,並提供超過30萬本有聲書,現階段暫時只向美國嘅用戶提供,但未來將會推廣至更多市場。
聽歌同Podcast節目係毋須再額外付費,就可以享用成個數據庫,Spotify Premium 訂戶要收聽有聲書係需要逐本購買,不設免費任聽。現時Spotify提供嘅有聲書數量約30萬本,訂戶通過登入Spotify網站就可以進行購買同瀏覽有聲書,定價由書商決定,有聲書會喺購買後自動加入用戶嘅數據庫,並且可以喺手機或其他裝置收聽。
Spotify副總裁Nir Zicherman表示,Spotify認為有聲書服務係一個龐大且未開發嘅市場。雖然目前有聲書嘅市場僅有6%至7%嘅市佔率,但預期年增長率可達到20%。
Spotify嘅有聲書服務擁有自己嘅操作介面。使用者購買後,有聲書將會自動出現喺使用者嘅收藏中。用家可選擇下載內容、控制播放速度、亦可以分享心得或加以評分。值得注意嘅係,有聲書係一個獨立嘅收費服務,現階段Spotify亦並未提供訂閱用戶,喺購買有聲書時嘅折扣優惠。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!