美國有部分打工仔為咗追求work-life balance,拒絕再為公司賣命做到爆肝,改成奔向「無聲辭職」(quiet quitting),依個新概念講求嘅係每星期工時唔超過40小時,限制收工聽電話,並成日對老闆Say No。
據外媒報導,30歲嘅Maggie Perkins教育生涯往往都要一星期工作60小時,但佢生完第一個小朋友之後突然醒覺,唔應該再係咁。佢喺TikTok解釋佢係點開始「無聲辭職」嘅,即使當時並冇依個名詞。佢話:「我去度假途中仲喺飛機上改簿,有相為證。我冇做到work-life balance。佢最終辭職、改去讀個博士學位,但持續拍片同Podcast幫舊同事發聲。佢又指:「『無聲辭職』實際只係意味住你要劃清界線,從事你嘅份內工作,等你返到屋企嗰陣仲有力氣同家人相處。」
「無聲辭職」依個字其實喺7月已經有一位TikTok提及過,根據TikToker@zaidleppelin嘅解釋,「無聲辭職」指:「唔係直接辭職,而係唔再為公司赴湯蹈火。各位仲會履行職責,只係唔再接受工作就係人生嘅勞碌文化。」依篇文章迅速爆紅,吸引近50萬人點讚。
依個熱潮引起爭論:「無聲辭職」真係只為咗work-life balance?係咪偷懶嘅另一個名?真係有過勞死風險嘅人直接辭職唔係仲好?不過數據顯示,追求更多嘅work-life balance確實係需要嘅。民意機構Gallup發現,2019年期間民調訪查嘅在職壓力為38%,COVID-19打亂全球勞動市場之後,2020年職場壓力增至43%,其中美國同加拿大女性面臨嘅壓力最大。
而好多「無聲辭職」支持者表示,佢哋對落力工作冇意見,但只限於職責要求嘅工時範圍之內,奉行「出幾多糧做幾多嘢」。當然,有部分人抱懷疑態度,話辦公室不嬲有人夠鐘就收工,也有人鍾意耍大牌,被指派嘅工作唔係佢職責範圍之內。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!