喺疫情影響底下，好多公司實行咗在家工作(WFH)，甚至有啲公司星期五仲縮短工時，可以早走一小時。外國就有公司嘗試推行5小時工作，並發現比起做8小時更有效率，但係並唔係所有人都適合，有人仲因為可以返少啲工時而辭職，原來係因為…
大家每日一返到公司，相信都唔會即刻做嘢，可能會洗下杯，沖杯咖啡再撳一陣電話，或者同同事傾幾句先正式開始做嘢。其實計返依啲時間，都可能浪費咗一個至幾個鐘，咁其實直接縮短工作時間可能仲好喎。
但係獵頭公司行政總裁Jack Kelly喺Forbes發文指，5小時工作唔一定啱每個員工，如果揀咗依種工作模式，佢哋每一日就需要專注喺工作，亦唔允許做工作以外嘅嘢。每天做完自己嘅工作之後，員工大約5小時後就可以放工。有研究指，平均一個人可能只需要大概5小時就可以完成每日嘅工作量，而每日迫員工喺辦公室工作8小時，並唔代表佢哋會有高啲效率。即使係一個工作表現良好嘅員工，他可能每天只係需要2-3小時就可以完成所有工作。
有一間小型德國公司，公司只有16位員工。公司嘅行政總裁嘗試改變傳統工時，採用每日工作5小時的模式。因為佢認為員工只要喺嗰5小時專注工作，就可以喺5小時內完成每天嘅工作。不過當然會有啲限制去幫助員工專注，包括：電話要鎖起唔俾作娛樂用途、唔俾用社交媒體、唔鼓勵傾閒計。嗰間嘅CEO認為，員工工作得更有效率，佢哋喺朝早8點做嘢，大約晏晝1點就放工，可以俾更多休息時間佢哋。不過依種模式亦遇到一定問題，因為有員工認為咁樣反而增加壓力。除咗要喺更短時間裏面做同樣工作量之外，又唔可以用電話同朋友聯絡。最終有兩名員工因為咁而辭職，因為員工之間冇正常嘅閒談同玩笑，佢哋認為咁樣冇咗一貫嘅企業文化，唔習慣而離職。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
