前Facebook高層Sheryl Sandberg曾經講過職場女性應該往前踏出一步,放眼更高嘅位。至於有咩係攔阻女性行前一步呢?根據同儕報刊《Sex Roles》論文研究,其中一個令女性喪失事業上進心嘅因素原來係睡眠不足!對於男性嚟講,瞓多啲對佢哋野心並冇影響。
Forbes 早前報導過一個最新研究顯示,睡眠質素會影響女性嘅心情,會令佢哋原本嘅責任心、野心都有所變化。另一方面,對於男性嚟講,睡眠時間嘅加減並唔會對事業上嘅野心有所變化。
依個研究係針對住喺美國嘅135位全職打工仔,進行歷時10日、1日2次嘅問卷調查。參加者要喺朝早時段,針對前一晚嘅睡眠以及回答問卷嗰陣嘅情緒做評分。另外,喺當日下晝,就一定要回答係咪期待喺職場上獲得更高嘅地位、責任、影響力。不論男女,都有瞓得好嘅日子同瞓得唔太好嘅日子,並冇男女差異。
研究發現,男女差異出現喺睡眠對事業心嘅影響。對於女性嚟講,瞓得好嗰陣會令佢積極啲;如果瞓得唔好、心情唔好,咁就會冇咁積極進取。但係點解喺男仔身上又唔會咁呢?研究團隊提出咗幾個可能性。
1.男女對於情感嘅反應唔同
男性嘅成長過程中,相對經常被教育要壓抑情感,有可能因為咁而比較善於控制心情、以維持野心。即使瞓得唔好、第二日情緒唔好嗰陣,都比較唔受影響。相對而言,女性瞓得好,都會較易反映喺表情上。
2.一般認知,男性比較有野心
由於係較為普遍嘅認知,因此即使睡眠不足、自身嘅感受上都係「唔可以因此失去野心」。
3.職場女性自我要求、可能較男性高
喺睡眠不足嘅隔日,喺職場上遭受批判、或者遇到失敗時,可能傾向更容易喪失自信,而陷入自己嘅能力無法承受更多工作嘅負面思考。
我哋啱啱出咗手機app呀~方便各位IT人搵工,快啲撳下面條link download啦!
Download: https://sickleavetmr.com/web/download-app/
立即Follow我哋,搶先收睇各類文章!
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!