各位打工仔，你覺得自己嘅生活會唔會好攰？唔知大家有冇聽過burnt out（倦怠）依個字，其實可能大家都聽過，但喺自己意識到之前就已經筋疲力盡。 倦怠並唔係一個新現象：依個詞最初係喺1970年代創造出來嚟，用嚟描述工人喺工作中感到嘅疲憊，但直到三年前，世界衛生組織先正式承認佢係一種由「處理唔到嘅慢性職場壓力。」
紐約大學嘅神經科學家Wendy Suzuki博士話，倦怠可以有無數嘅症狀去表現，但並非所有症狀都好明顯。「你可能會一直覺得擔心、好嬲或真係真係好攰、好無力」，充滿住各種各樣嘅負面情緒同倦怠嘅身體症狀。
世界衛生組織將精疲力竭、憤世嫉俗同生產力下降視為職業倦怠嘅一啲最常見症狀。 但根據Wendy嘅講法，你可能會錯過三個倦怠嘅早期跡象：
拖延
有一啲拖延傾向係正常嘅 ——但如果你比平時花更長嘅時間嚟完成工作，咁可能代表你承受著好大嘅壓力，你嘅大腦冇辦法應對持續嘅壓力。
不停分心
喺工作中不停分心係另一個隱藏嘅跡象，表明你正走向倦怠。過去嘅研究顯示，倦怠會影響大腦嘅思緒，令你更難集中，從而更難忽視職場上嘅干擾去繼續工作。
冷漠
冷漠係倦怠嘅「最大」和最被誤解嘅症狀之一，Wendy話。「唔好一感受到依啲發自內心嘅負面情緒就覺得筋疲力盡。你可以對你曾經關心嘅事情，例如你嘅工作，持有唔再關心嘅態度。」 佢補充話，感到冷漠都可能係因為缺乏動力或麻木，就好似你做乜都唔重要一樣。
Wendy話，抑制倦怠嘅最關鍵步驟之一係更加了解引發負面情緒嘅原因，例如憤怒、悲傷或恐懼，並識別佢哋幾時出現而唔係抑制佢哋。 下次當你感到壓力、焦慮或其他負面情緒時，Wendy建議問下自己，「依種感覺嚟自邊度，點解會出現？更多咁接觸更廣泛嘅情緒係非常重要，因為如果我哋將佢哋收埋只會變得更衰，最終就搞到無法控制。」佢話。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
