2,533

研究顯示名字愈難讀就愈難搵到工|全因為OO?

根據《華爾街日報》報道,Hamilton College同Vassar College組成嘅研究人員搜集咗兩組各有1500名經濟學博士學位求職者嘅履歷進行分析,研究搵嘅候選人都係喺2016年至2018年間開始搵工。研究人員隨後將求職者按照名嘅發音難度進行分組,分析佢哋各自喺學術就業上嘅表現。至於要點樣將求職者嘅名歸類為「容易發音」同「唔易發音」,研究人員主要係透過三個步驟進行篩選。

首先係主觀咁由名單中揀出嗰啲佢哋認為較難發音嘅名,然後計算讀出名字所需嘅時間,時間大約係1秒半至6秒之間。最後就係通過參考英文詞匯排列組合嘅電腦演算法根據名字難度進行排名。

研究結果發現,名字較難發音嘅候選人喺一年內搵到學術工作嘅機會低10%,但都取決於求職者喺邊度畢業,如果係喺排名較前嘅學校畢業,只減少約5%嘅機會,學校排名較後嘅就減少12%。

喺私營企業就業方面,早前有研究顯示,名字類似白人嘅族裔較其他族群接到面試通知可能性較大,所以今次研究人員將研究重點側重於少數族裔上,包括黑人、印度、巴基斯坦同中國。研究發現,即使係私營機構,難讀名字嘅偏見依然存在,而且喺少數族群中依種情況更加嚴重,名字難讀嘅求職者收到面試通知嘅機率再低50%,意味著少數族群會因為名字關係影響就業。咸美頓學院教授Stephen Wu認為,企業根據求職者嘅工作經驗去篩選候選人,實行匿名履歷制度係短期內最有效率嘅方法去減低依種「名字偏見」。


我哋啱啱出咗手機app呀~方便各位IT人搵工,快啲撳下面條link download啦!

Download: https://sickleavetmr.com/web/download-app/

立即Follow我哋,搶先收睇各類文章!

Instagram: https://www.instagram.com/sickleavetmr_official/

Facebook: https://www.facebook.com/sickleavetomorrow/

各位「打工仔」如果想揾工轉工嘅話,就入嚟我地 sickleavetmr.com 啦!我哋有好多好工俾你揀!!

Read These

22,660

冒名頂替症候群:我們都是成功的騙子嗎?

成功,是每個人都追求的目標,無論是在事業、學術、藝術,抑或是個人生活的各個方面。然而,在成功的背後,...
07 Mar 2024 22,660

28,655

調查公布「返工扮忙」國家排名,3甲全屬亞洲國家?!

職場生存之道係努力地儘快做完手頭上嘅工作,定係將工作拖到最後一刻,等老細覺得你好忙,就唔會增加你嘅工...
29 Feb 2024 28,655

31,405

見工被問「有冇睇過公司網站?」求職者驚覺原來係「陷阱題」?!

第一印象對求職者嚟講非常重要,除咗外表要整潔醒目之餘,答題亦要正中要點。如果於面試過程中唔打醒十二分...
26 Feb 2024 31,405