同一個自戀嘅人拍拖已經夠難頂。如果嗰個係你老闆嘅話，情況應該會更差。大學心理治療師、心理學講師、The Verywell Mind Podcast 嘅主持人Amy Morin話，「有啲自戀嘅老闆只係表現出自戀行為，例如缺乏同理心或將一切都圍繞住佢哋，仲會搞到你嘅生活變成一場噩夢。」
「自戀嘅老闆會對你嘅幸福、人際關係造成好大嘅影響，甚至會令你精疲力竭！」由巴基斯坦研究人員帶領嘅2020年研究發現，自戀型老闆對員工嘅工作滿意度同幸福感產生負面影響。有趣嘅是，佢對工作效率嘅影響較小，但佢仍然增加咗員工嘅壓力同辭職嘅打算。
自戀嘅人獲得咁高職位係因為佢哋「表現得好似知道自己做緊咩，並且滿懷信心咁去做」Amy話。最終，依啲領導者往往造成嘅傷害大於幫助。以下係七個跡象表明你老闆係咪自戀：
1. 佢哋重視讚美高於一切
自戀嘅老闆故意令員工圍繞喺佢哋身邊，等佢哋讚自己，重視佢哋而唔係其他可能做得更好嘅員工。咁係因為自戀嘅老闆們自我價值建立喺人哋嘅欽佩之上。 「老闆會用盡所有辦法為咗得到員工嘅欽佩。」Amy話依啲老闆甚至可能設法喺公共場合表揚自己。例如，一個自戀嘅老闆可能會要求一位較熟悉嘅員工準備對佢哋嘅正面評價，咁就可以當全公司面前俾人讚。
2. 佢哋很少表現出同理心
自戀嘅老闆可能對你喺工作中或個人生活中嘅事幾乎冇容忍度。如果你請病假或有家庭緊急情況，佢哋可能會堅持認為你仍然可以做嘢——或者講句刻薄嘅說話，否定你正在經歷嘅一切。「佢哋可能會話，『好啦，你點解做唔到嘢？有咁嚴重咩？你想蛇王？』」Amy補充，佢哋會嘲笑你要求放假、延長死期等你點都要做埋佢。
3. 佢哋使用憤怒和攻擊性作為工具
有啲老闆有時會發脾氣。自戀老闆利用憤怒同攻擊性作為「操控工具」嚟控制員工。依啲老闆可能會用拳頭敲桌子、提高嗓門或羞辱嗰啲公開反對佢哋嘅員工。佢哋用依啲行為去嚇唬員工做佢哋想做嘅嘢，例如保持沉默去等員工知驚。「佢哋會懲罰任何反對佢哋嘅人，所以冇人敢反佢。」
4.佢哋標榜無視規則
一個自戀嘅老闆會不遺餘力地向所有人表明規則唔套用於佢哋身上。佢哋嘅目標係提醒員工佢哋更優秀，更有資格享有某啲特權。例如，一個自戀嘅老闆可能會叫員工幫佢book會議室，但如果佢哋認為自己某個會議更重要，佢哋保留隨時將任何人趕出去嘅權利。或者，佢哋可能會話員工唔可以在家工作，但「只要我批准，我就可以咁做。」
5. 佢哋永遠唔會承認自己嘅錯誤
你永遠唔會見到一個自戀老闆認錯。佢哋會否認一切，即使其他人親眼睇到佢哋嘅錯誤，並會「瀨落」任何提出錯誤嘅人。例如，佢哋可能唔記得話你知某個工作需要完成，然後，當你冇完成嗰陣，佢哋會堅持叫咗你去做。佢哋唔會承認佢哋忘記咗或給咗唔明確嘅指引。「佢哋會發誓，已經俾咗正確指示你，佢哋會屈你，試圖令你覺得係自己做得唔好。」
6.佢哋總係當自己係英雄
一個自戀嘅老闆總係會將自己置於好似故事中嘅英雄咁。佢哋可能將公司利潤嘅增長歸功於自己，甚至提出一個問題，得佢哋先解決到。依一切都同佢哋鍾意俾人欽佩有關。佢哋希望因自己拯救咗公司而得到同事感激。」
7. 佢哋講嘢總係帶住權威
有權威性可能係一個好嘅領導特質，但當自戀嘅老闆咁做嗰陣，佢哋成日用佢嚟誇大自己嘅聲譽。佢哋可能會誇大自己嘅成就，話佢哋有正確嘅答案，但實際上佢哋沒有俾到正確答案，或者俾嘅答案唔能夠解釋問題。「佢哋會咁自信地傾偈並領導每個人。 但佢哋可能唔願意接受失敗，或者諗如果計劃唔成功點算好。」
你可以點做
Amy話「喺一個完美嘅世界裡，你唔洗幫自戀老闆打工；但依個唔係一個完美嘅世界，你無法改變老闆嘅行為方式。」用以上嘅特質去識別你嘅老闆係咪自戀。一旦你知道，你就可以改變你對佢嘅回應點處理，唔好將佢哋講嘅嘢太放上心。你冇可能成日轉工去避，所以只可以改變自己諗法。
資料來源：Make It
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
