喺過去一年，外國多咗好多職場流行趨勢，其中一啲趨勢包括「安靜辭職 Quiet Quitting」同「安靜解僱 Quiet Firing」等，但原來仲有另一種現象今年新出現，就係「安靜招聘 Quiet Hiring」。
「安靜招聘」係指組織喺冇實際僱用新嘅全職員工嘅情況下獲得新技能。雖然可以指引入短期承辦商，但通常意味住現有員工揹負更多嘅責任，超出佢哋目前嘅工作職責。
點解「安靜招聘」普及化？
招聘通常屬於以下三類之一：填補舊職缺、創造新職位以幫助公司發展或解決緊迫需求。安靜招聘就係第三類，即使佢喺技術上根本唔涉及任何新嘅招聘，但基於公司情況需要而須當前員工暫時擔任混合角色。
而家社會面臨競爭激烈嘅招聘環境、經濟放緩同降低成本嘅壓力，導致好難搵到新嘅人才，員工預算大多保持不變或減少。所以好多公司會轉而採用安靜招聘方式嚟填補空缺。
安靜招聘對僱主有咩好處？
對僱主嚟講，最明顯嘅好處之一就係安靜招聘係一種有效、具有成本效益嘅方式嚟填補技能缺口，而無需僱用額外嘅全職工人。因此，組織可以利用內部人才，而唔係通過冗長嘅招聘流程嚟滿足即時需求。此外，提高員工技能可以提高保留率、參與度同生產力。以Google為例， 一旦員工證明咗自己，佢哋就更有可能獲得加薪同晉升。最終，安靜招聘為公司慳咗時間、金錢同資源。
安靜招聘對僱員有咩好處？
雖然安靜招聘聽落只對僱主有利，但佢都可以幫助員工。如果你被要求承擔一項額外工作或新角色，可說明期望。你最唔想做嘅就係承擔超出你承受能力嘅事，最終陷入精疲力盡嘅狀態。跟住落嚟，同你嘅經理一齊設置KPI，以便記錄你嘅業效。如果你承擔額外嘅責任，咁期望加薪係公平嘅。如果冇得加薪，可以傾下其他福利，例如獎金、彈性工作時間或額外嘅AL等。處理額外工作嘅一個主要優勢係你可以擴展你嘅技能，令你成為一個更全面、更有價值嘅員工，仲可以利用佢作為談判未來晉升嘅籌碼。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
