有打工仔早前喺網上討論區指自己打咗20年工，而家自己有搞下副業忽然有所感概，綜合網民意見分享咗16個唔好喺職場生涯度做嘅事，吸引咗近3000個正評，唔少打工仔都表示認同，更提出咗其他唔好做嘅事畀大家參考，大家睇下自己有冇上榜？
16項喺職場要避免嘅事：
1. 唔好同公司發生感情 大家雙方只係互相利用
2. 唔好同同事發生感情 大家十成九都只係互相利用
3. 唔好無償ot咁傻 你要上位係要有足夠時間自我增值 唔係做窮忙族愈做愈窮 如果有經濟需要就做住先唔好諗長做
4. 唔好留係同一公司太長時間 除非你做到絕對絕對高層（唔係偽高層 尤其係銀行果d）先考慮下做耐少少 打緊風流工就當我冇講過
5. 唔好乜都say yes 人哋只會愈得寸進尺 當你傻仔咁洗 有一次say no人哋會懷恨在心做死你
6. 唔好介懷一時失意 冷靜面對努力改善總有出頭 世界上好多機會
7. 唔好一朝得志就語無倫次 好易過身
8. 唔好出盡風頭懶醒 自己工作範圍內就做 範圍外話知你死
9. 唔好扯開自己真面目 四兩撥千斤好過惡言相向 職場唔需要傷感情
10. 唔好讀埋d冇謂課程 實戰經驗好過讀d垃圾野多多聲 如果係行內必需就當我冇講過
11. 唔好做startup/港資/要求員工奴性重/規模太細發展空間有限既公司
12. 唔好亂搞職場男女關係
13. 唔好長做架構混亂人事複雜是非小圈子過多d公司
14. 唔好避忌interview 你會從中收集到好多你本身圈子內唔知既情報 而呢d情報或多或少會對你對行頭/人事/公司style/等等了解加深 至於行頭窄唔窄而增減interview次數就自己調節
15. 唔好忽略每間公司既潛規則 好此寒戰梁家輝話齋 識係條線入面玩都係職場生存技能 當然如果潛規則係要你無償ot/發揮奴性/講求擦鞋/等等就真係你做埋我果份 間公司好打有限
16. 唔好覺得返工係理所當然而放棄自己興趣初心 因為返工係違反人性 興趣初心係合乎人性 你順勢而為一路堅持(工餘時間)會有意想不到既效果 不論金錢上/成就上/心理健康上 而且呢個dynamic又政治化既時勢工字一定冇出頭 亦冇話份工保你一世無憂 專業人士都咁話
有其他網民就加咗自己嘅感悟：
唔知各位打工仔做咗社畜咁耐，有冇多啲補充呢？而自己有冇唔覺意做咗以上咁多項「必避」事項？有嘅而又對你身心受損嘅，不妨避咗佢！
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
