唔知有冇30歲+嘅打工仔睇緊依篇文章，有位下年就到35歲嘅打工仔突然有感而發，喺討論區上面發文指自己喺就嚟35歲先接受到自己係一凡平凡人、唔肯跳出自己嘅舒適圈，對比起30歲嘅佢，冇乜大轉變，依然係一個打工仔，冇自立門戶。
//下年就35歲，本來30時諗住自己嚟過大轉變，想自立門戶，點知過咗5年，依然都係一個打工仔⋯講變講咗5年。而家睇下自己，仲係同30歲時一樣，住同一個地方，做同一份工，仲係自己一條友，開始接受自己只不過係一個平凡人，一個唔願意跳出comfort zone嘅人//
網民留言：
好多網民就覺得其實跳唔出自己舒適圈並冇問題，其實返工搵嘅錢夠自己生活就得。「有人成世都搵唔到個舒適圈
」、「恭喜哂！平凡是褔！」、「大部分人一生都係打份工，養頭家，平平凡凡過左，到老死」、「打工無乜唔好，風險由老闆承擔；創業好燒錢，睇你中意穩陣還是博一博」
其實小編覺得好睇你嘅人生有咩目標，如果為咗有得發圍唔想再幫人打工，咁自己又敢跳出嚟，即使結果冇預期咁好，其實都唔緊要，至少你努力嘗試過，因為依個係你嘅人生，係你自己幫自己決定，後果都係自己承受返。而家冇自立門戶，普通咁打份工，至少可以話穩定，雖然唔係搵咩大錢，至少唔洗損手爛腳，做生意都有好多風險要兼顧，一個疫情可以將你幾年儲蓄燒晒。有時做唔到焦點，做下陪襯都冇壞嘅，最緊要你覺得自己人生冇白過，做到你想做嘅嘢，活在當下就得。
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
