打工仔去見工｜經理話：OT係你份內事，冇補水冇補假

最近有打工仔喺FB專頁發文講出自己一個見工經歷，咁佢去見一間大IT公司嘅普通officer位，主要負責accounting reports，咁個經理話預咗一個月要有一個星期要OT，但係預咗每個月有一星期要OT，唔會補錢補假，因為呢啲係你嘅職責同份內事嚟㗎！

網民紛紛留言串爆經理：「回返佢：唔怪之得你請唔到人」、「答佢：“OT係呢度員工嘅份內事？？唔怪之做到你咁黐線啦。”」、「咁做完份內事係唔係可以收工？」

亦有網民覺得冇乜嘢：「如果month end closing忙要ot，平時hea返咪ok, 如果長期都忙就唔太掂」、「Ok啦，講明先，大家你情我願先簽約」、「唔緊要，咁個底薪再加多d 囉」

其他網民就分享自己經歷，話就算合約寫明有補水，都只係寫俾勞工處睇，唔係真係有；另外有打工仔表示自己從不OT，除非係突發事件，如果長期OT代表係公司安排工作有問題。