各位打工仔有時會唔會覺得返工雖然係為咗錢，但最後你會發現每日嘅生活都好似NPC咁（Non-Player Character 非玩家角色），每日重重複複，好似有得控制但其實又好似冇？有位打工仔喺網上發文指自己確診完抑鬱症之後就發現咗依個真相，好似NPC咁被困喺同一畫面。
好多網民都認同佢嘅諗法，並提出喺香港生活其實大多數人都會有despression或依種感覺，其實好正常，返工係為咗儲錢生存。唔洗俾咁大壓力自己，普通簡單生活到就好，大壓力就返少啲工，會明顯開心啲。
小編睇到依個post就諗起之前有套電影《爆機自由仁》，電影係講主角係《自由城市》嘅一位NPC，佢嘅角色係一名銀行櫃枱職員，每天都同同事吹水，佢完全唔知自己身處喺遊戲之中，到後尾拎咗副玩家眼鏡先擺脫到NPC嘅角色。主角開頭每日都覺得自己係新一日，係自己控制緊人生，每日都係返工、吹水、放工、瞓覺，點知自己一直都好似機械人咁不停loop，每日嘅生活都重複。
而我哋現實社會，好多嘢我哋看似係自己控制，今日食乜好、著乜好、買乜好，但其實綜觀而言，都係一個重複緊嘅生活循環，你轉工又要搵過下一份，因為你好難真係「搵夠錢」去生活，小事都仲叫做係我哋自己操控，但其實我哋嘅人生大多都係一式一樣。
不過依個只係觀點與角度，亦未必每個人條路都會咁行，有人會選擇儲舊錢做老闆，擺脫依個宿命；有人會想用旅行/裸辭去退避依個現實，最緊要係每一個選擇都係為自己利益而自己又開心，因為人生在世，其實係屬於自己嘅經歷，並冇分對與錯，只係你過得開心無憾就夠。
資料來源：lihkg
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
