有位30歲嘅打工仔琴日就喺連登討論區以「有冇人長期處於呢個狀態」為題出咗篇文，文章內容大概就指人生好多嘢佢都冇乜目標，唔知自己想點，想返咩工、人生目標、上咩課程進修等等都一律冇任何想法，只想躺平迤下迤下咁過。佢好驚去到死嗰日都係咁嘅狀態，乜都冇做過咁。
有網民就留言話同樓主一樣，以為係自己開post，樓主其後補充，指唔係行業同公司問題，完全唔知佢有啲咩想要
另外都有大批打工仔都同意有依種感覺，乜都冇動力，淨係掛住搵錢。「個種無力感 我明呀 連個人都愈黎愈摺」、「去到就黎30,覺得返工單純為錢 轉工都唔想同人交流 慢慢就麻木」、「same here 不過連溝女都覺得煩 然後會轉工，希望可以衝擊下」、「same…要逼自己搵d嘢嚟做下，睇下書 keep yourself busy 利申：我嘗試緊」
大家又有冇同感呢？覺得人生唔知有咩目標，返工除咗錢仲為咗咩，做乜都冇乜動力，只想躺平。小編覺得可以搵啲人生未挑戰過嘅嘢去做，叫做有個小目標咁，或者試下突破自己，面對一啲一路都唔肯試嘅事物，人生可以好簡單，唔洗下下都咁複雜。因為你唔會知自己仲有幾耐命，生命無常，最緊要每一日都當係最後一日咁，做一啲唔會令自己後悔，又或者之後會諗返點解之前冇做到嘅事。
資料來源：連登討論區
我哋啱啱出咗手機app呀～方便各位IT人搵工，快啲撳下面條link download啦！
Download: https://sickleavetmr.com/web/download-app/
立即Follow我哋，搶先收睇各類文章！
Instagram: https://www.instagram.com/sickleavetmr_official/
Facebook: https://www.facebook.com/sickleavetomorrow/
各位「打工仔」如果想揾工轉工嘅話，就入嚟我地 sickleavetmr.com 啦！我哋有好多好工俾你揀！！
